اخبار صيدنايا اليوم اضغط هنا لتتابع صفحتنا وأخبارنا على الفيس بوك            تابعوا صفحتنا وأخبارنا على الفيس بوك            
بوح الكلمات
تابعونا على الفيس بوك

   أعلانات  

الارتباطات
تابعوا صفحتنا على الفيسبوك
من هنا وهناك
الكاتب :عصفورة نيسان
عدد المشاركات :22    عدد التعليقات :72
  عودة  
أسئلة جريئة
"

عجبتني الفكرة بديناها أنا و القمر بذاتو  

كان السؤال الأول مني انو شو  برجك يا قمر؟ وشو مواليدك؟ وجاوبتني وتبعت الجواب بسؤال وسألتني شو بيلفت نظرك بالشب يا عصفورة

الفكرة أنو كل مين حابب يوجه سؤال لحدا يسألو ياه ويكتب لمين بوجهو والشخص المقصود بجاوب وبيسأل سؤال تاني لحدا

وطبعا قصدي بسؤال جريئ انو يتوجه السؤال لحدا معين بالاسم

وخلينا نشوف جرأتكن يا شباب و يا صبايا

وسمحولي بلش أنا بأكتر من سؤال

شو برجك يا مانو وشو مواليدك ؟

ونفس السؤال ل الصديق هاني؟

والصديق ابو نبيل ؟

وشكرا لكل مين لح يشاركنا   

    

"
Rami Zahr

مرحبا للكل ... آسف إنو تأخرت مشاركتي لهلأ بس طبعا أنا متابع للموضوع من الأول

عندي أسئلة للكل وحتى لبعض الغياب :

1-رح بلش بصاحبة الفكرة عصفورة نيسان وقلك إسلوبك بطرح المواضيع بدل على ثقة بالنفس وسؤالي ياترى عصفورة نيسان كانت بتطرح المواضيع والأفكار بنفس الزخم والقوة لو كنتي عم تكتبي باسمك الحقيقي.

2-سبيزر1  (صاحب الردود اللاذعة) بهنيك على سرعة البديهة بالردود وبسألك كيف تقييمك على خط سير الموقع يعنيبالخطوط العريضة ... تاني سؤال أنت لما تختار بالوقت الحالي شريكة عمرك رح تختارها بعقلك قبل كل شي او بقلبك وبعدين بعقلك (طبعا هاد السؤال لغاية في نفس يعقوب)

 

3- هاني صديقي العزيز ناطرينك على كرسي الاعتراف وعلى فكرة هشام محضرلك كم سؤال يعجبو خاطرك ( واكيد انا كمان ) ... سؤالي إلك هلأ كمان بالنسبة للارتباط ... شو اللي خلاك لهلأ بلا ارتباط ، مو شرط خطبة او زواج بس على القليلة ارتباط ( على فكرة ياصبايا هاني شب لقطة) بس يمكن ما حدا عم يحسن يشغلو قلبو
سؤال تاني :إيمتى جاي هون ؟

4- أبو نبيل صاحب الأفكار الرائعة والمميزة ، ياترى أبو نبيل مشغول قلبو بحدا هلأ وإذا لأ فهل كان مشغول بحدا ... سؤال تاني شو رأيك بالخط اللي ماشيين فيه بالموقع في سبيل التوحيد المسيحي؟

5-ريتا الأخت والزميلة العزيزة كيف طلابك انشالله ما عم يعزوبكي ..  مارح اسألك شي لأنو بدي أطلب منك أنتي تسأليني

6- وسام الفحل الجار العزيز ... بدي اسألك شو اللي جذبك لتشارك بموقع صيدنايا اليوم وليش مشاركاتك قليلة .. ياترى هالشي لظروف الشغل او الدراسة او شي تاني

7- صديقي العزيز وسيم عساف صاحب المواضيع المميزة جدا سؤالي إلك كيف بتلاقي التجاوب مع مواضيعك من أعضاء وأصدقاء الموقع وياترى كيف بتلاقي الشريحة الأكبر من رواد الموقع من ناحية التجاوب (أنا بصراحة مبسوط كتير من الفكر اللي موجود بالموقع ومن مختلف الأعمار)

8- القمر بذاتو الصديقة التي اثبتت موجودية كبيرة بفترة قصيرة وماعاد نشوف موضوع او قسم بلا مانشوف اسم القمر بذاتو ... انت قلتي انو دراستك تجارة طيب شو فيكي تعطينا أي معلومات تانية عنك (مكان إقامتك - عمرك - هواياتك) وكمان عندي سؤال تاني وهو انو كيف عرفتي بموقع صيدنايا اليوم وصرتي تفوتي عليه .. وبالنسبة لسؤالك أنا ضد الفيس بوك بشكل عام لأنو من أخطر المواقع على النت والشرح يطول ، ومنشان غطاء الرأس فهي حرية شخصية لأنو مو الغطاء اللي رح يدل على الاحتشام وشو بينفع الغطاء موجود والتنورة لفوق الركبة

9- مانو الصديقة العزيزة صاحبة المواضيع المؤثرة والتي توصل عبرة وحكمة بطريقة شيقة وجذابة كثيرا .. منعتز بجوابك على انو إذا كان الصديق عن طريق موقع صيدنايا اليوم فما عندك مانع لانو فعلا كل زوار هالموقع بشرفونا ومنرفع راسنا فيهن .. سؤالي إلك ياترى شو رأي منال بشباب هالأيام من ناحية المسؤولية واحترام الآخر والثقافة التربوية باعتبارك تعاملتي وعم تتعالمي مع شريحة كبيرة منهن ... وكمان حابب اطلب منك تسأليني سؤال حول الموقع متل ما طلبت من زميلتي ريتا

10- ناني الصديقة النشيطة ... أنا مع الفكرة اللي طرحتيها وهي الدخول والتلاقي بشكل مباشر عالشات وماعندي مشكلة بأي وقت .. سؤالي إلك شو الصفات اللي بتحبي وجودها بالشب وشو الصفات اللي ما بتحبي وجودها

11-وأخيرا الصديق منيف واللي صايرة عالفترة ضحكتو شبرين ... يعني ممكن أعرف ليش بالفترة الاخيرة صايرة نفسيتك احلى وعم تضحك على طول ( غير انو مبسوط فيني) ؟؟؟

2010-05-01
عصفورة نيسان

أول شي شكرا كتير الك أخ رامي لمشاركتك ولدعمك للموضوع

تاني شي بدي قلك  يمكن لو عم أكتب باسمي الحقيقي كنت بتشوف ثقة أكبر وجرأة أكبر

وهاد الشي موجود بشخصيتي صحيح

وأنا لح اكتب اسمي عن قريب  ومن الاساس ما سجلت باسمي الحقيقي لغاية في نفس يعقوب متل ما أنت بتقول

مع العلم في كتير ناس بيعرفو مين هي عصفورة نيسان طبعا لي بيعرفو سبيزر    

رامي شو مواصفات البنت لي بتحلم فيا ؟ 

2010-05-01
جان سعادة

مرحبا للجميع

أنا قليل حتى شارك بغير المنتدى الزجلي

بس بكتب تعليق لصاحب الموضوع أو المقال

بس ها المرة لفتت انتباهي ها الفكرة كتير حلوة وحابب شارك

 $$$$$$$$$$$$

حلو سؤال القمر ذاتو

برأيي أنو لازم ينفرض من قبل الاهل  ومن قبل الخوري الغطاء على الرأس والحشمة في الملابس عند الدخول لمكان مقدس لآنو بيت الله

طبعا الحشمة مطلوبة في كل مكان

  $$$$$$$$$$$$

سؤالي للقمر ذاتو

كيف فيكي تعيشي بقلب طفلة وعقل أمرأة سوا

ها الشي صعب لآني لاحظت أنك بتهتمي كتير بالحب والاغاني الرومانسية

المقصد أنك عايشة بقلب طفلة  بس

 

وسؤال ل منيف

 مع كم بنت حكيت بحياتك  ولكم وحدة قلتلها بحبك

سؤال لعصفورة صيدنايا 

من وين عم تجيبي القصايد الحلوة العم تنزليها بالمنتدى الزجلي

سؤال لرامي

قبل ما تسأل حدا ليش ما ارتبطت  بدي أسئلك أنت ليش لحد اليوم  ما سمعنا عنك شي

في شي أميرةا بحياتك 

2010-05-01
جان سعادة

و بحب ضيف للقمر ذاتو

قيل:

لايمكن  أمتلاك روح المرأة بالكامل لأن للشيطان جزأ منها

فأما أن تعيشي بقلب طفل أو بعقل أمرأة لآنهم خطين متوازيين لا يلتقيان 

2010-05-01
ابو نبيل

مرحبا عصفورة نيسان

جواب لناني :انا بأيد فكرة غرفة الدردشة وبطلب من رامي يحدد يوم وساعة لنبلش

جواب للقمر بذاتو :انا ضد وضع صور على الفيس بوك وغيره للمجازفة الكبيرة

واما اذا وضع يجب الحرص الكبير على الخصوصية

جواب سبيرز :رأيي متل اغلبية العالم لا يمكن نجاح علاقة مع امرأة اكبر من عمرو  وانا برفض هيك علاقات وبحرما

جواب لريتا : بالحقيقة انا بحب مازحك وانا مابعرف ريتا من قبل بس من خلال الموقع كونت فكرة عنا وحست انها بتتقبل هالشي

واذا عم تنزعجي خبريني

جواب القمر بذاتو :انا مع وضع الحجاب والباس المحشم للمرأة في الكنيسة

(ان تضيىء شمعة افضل من ان تلعن الظلام)

جواب مانو: انا طولي 173سم وليس لي حبيبة او صديقة مقربة للوقت الحاضر وذلك لاسباب عديدة

جواب رامي :انا غير مرتبط ولم يكن لي اي ارتباط في السنوات 5 الاخيرة وذلك بسبب عملي في الامارات وتأثيره على الحياة الاجتماعية

اما عن مسيرة الموقع فقد شهيدت في الاشهر الماضية تقدم على ما أظن

واعتقد انه سيخطو خطوات جبارة في سنة 2010 وخصوصا في هدفه السامي لوحدة المسيحية

وذلك وبكل تواضع انني قد جهزت برنامج كامل لهذا الهدف من الان حتى السنة المقبلة واعمل على تحقيقه ان شاء الله

اما اخيرا سؤالي الى ؟ كم يبلغ وزنك ولا تقوليلي 66 ؟

لماذا لا تشجعي خطيبك للدخول والمشاركة بالموقع؟

من هم الاعضاء التي سنحت لك الفرصة بالتعرف عليهم بشكل شخصي؟

سؤال الى جولي اذا كانت عم تشاركنا ؟

هل دراستك تجارة؟

لماذا هذا الانقطاع عن الموقع ؟ 
2010-05-01
mano

انا اسمي يا عصفورة نيسان منال مروان الابراهيم والشخص اللي مرتبطة فيه لانو من اعضاء الموقع ولا مشارك فيه

انا حابة اسالك يا هل ترى هل عندك الجراة انك تقولي شو الاسباب اللي بتمنعك من التصريح بهويتك؟

وهل عند الجراة الاكبر انك تقول مين انتي؟

اما بالنسبة لاسالتك يا رامي العزيز واللي رايك بمواضيعي وسام بوضعو على صدري وبفتخر فيه

انو شباب هالايام وطبعا مو الكل عم يعتمدوا على غيرهون بتحمل المسؤولية وهالشي انا لمستو وشفتو بس ان جيت للدغري يعني النخوة موجودة وايمت ما طلبتهون بيحضروا

اما الاحترام كل واحد بيعبر عن حالو بطريقة كلامو وتعاملوا مع الاخرين يعني الشخص المحترم معروف والغير محترم كمان معروف وطبعا اللي بيحترم حالو بيحترم التانيين بس شبابنا يعني شربانين الاحترام من هنن وصغار طبعا بيلتقى البعض اللي بيستخف بغيرو وبيتبع اسلوب التصغير مو بس مع الحواليه وانما مع اهلو كمان وانا هدول ما بتعامل معهون ابدا

اما الثقافة فوالنعم يعني يا رامي فيك انت تاخد مثال عالثقافة  من الشباب بالموقع والنعم من الكل يعني مواضيع الشباب وكلامهون وارائهم بتدل على ثقافة عالية 

 

2010-05-01
mano

اما سؤالي الك يا رامي

كتير من الاعضاء اقترحوا عليك اقتراحات لقوها بتحسن من الموقع وبترفع من جودتو مع  العلم انو الموقع راية بيضة وعالية بصيدنايا وانا بعرف انو هالمقترحات اكيد انت مفكر فيها ممكن توضحلنا  شو الرؤية تبعك للموقع واذا ممكن انو هالمقترحات يتم تنفيذها او لأ

تاني شي شو الصعوبات اللي عم تواجهك انت وفريق  العمل بالموقع ؟

وشو عم تعملوا لتسيير الشغل بهالطريقة الراقية هي؟

وشو الجديد اللي عم يشتغل عليه رامي بصيدنايا توداي؟

وهل لدى رامي اي تحفظات او انتقادات على احد او البعض من الاعضاء في الموقع ؟ومن هم ولماذا

وشكرا الك رامي

2010-05-01
سبيزر1

مرحبا و كيفكم جميع

إلى الأخ العزيز رامي

 أنا بشكرك على الأهتمام بأعضاء الموقع

و أنا مستغرب من وين بتجيب الوقت لحتى تلحق على كل هاد , يعني كيف عم تلحق التنسق بين عملك و الموقع و حياتك الشخصية و التفكير بأفكار مفيدة للموقع و بحب قول لك بصراحة : هل الشي يلي عم تساوي رح يكون على حساب حياتك الشخصية مشان هيك بعرض عليك فرصة انو تترك شويت شغل لاعضاء الموقع ليساعدوا مع الإدارة على تحقيق الأفضل لصيدنايا

وبحب علق على التحديثات الحلوة يلي عم تحدث بالموقع انها رائعة و تهدف الى خير الاعضاء جميعاً

و بالنسبة إلى السؤال الثاني تبع لغاية بنفس يعقوب السؤال,أنت لما تختار بالوقت الحالي شريكة عمرك رح تختارها بعقلك قبل كل شي او بقلبك وبعدين بعقلك

حابب صارحك و صارح الجميع بالموقع  

ا أخترت حبيبت قلبي اخترتها بقلبي و لما عرفت فرق العمر بيناتنا و قفت لعدت لحظات و كأن شيء عم يمنعني عن الأرتباط بعصفورة نيسان بس يلي صار أنو تلاقينا أنا و ياها من ثمانية اشهر بتاريخ 24/8/2009 الساعة ستة و نصو جلسنا و تحدثنا 

و قتها عرفت انها انسانة ذكية و صريحة و واثقة من نفسها لدرجة كبيرة و مؤدبة و انها اكبر من عمرها بكثير و فوق كل ذلك هي انسانة مسيحية بكل ما للكلمة من معنا . و منذ ذلك الوقت حتى عيد الفصح اثنين البعوث و صورتها لا تفارق عقلي و قلبي فقد اختار العقل ما رأه قلبي مناسبا 

ملاحظة: طوال هذه الفترة كنت مسافر و غائب عن صيدنايا ( بسبب عملي بدبي )و إذا كانت غاية يعقوب لم تُعرف , فبأستطاعتك الإتصال بي عبر بريدي الإلكتروني و التكلم اكثر بهذا الموضوع   (بخصوصية أكثر )

سؤالي إلى رامي 

ما هي غايتك  من معرفت هذا عني ؟  

إلى عصفورة نيسان  وسؤال

شو يلي خلاكي تفكري بهيك موضوع و تطرحي على الجميع

 

2010-05-01
Rita Sa3adeh

بالنسبة للإشارب أنا بحب حطه بالكنيسة لكن الأهم من تغطية الراس هو الإيمان والإلتزم يلي بيجو من داخل الإنسان..

 

أبو نبيل:أنا كمان مابعرفك برا الموقع بس أكيد ما بنزعج.. أسلوبك محترم ومقالاتك بالموقع وردودك عاملة جو كتير حلو.... سؤالي إلك: أبونبيل يلي منشوفه على صيدنايا اليوم هو نفسه حافظ بالحياة العادية؟

سؤالي لمانو: يعني منفهم أنو رح نفرح منك عن قريب ونشوف صور إكليلك على موقعنا؟

وسيم: انطباعي الأول عنك كان أنك شخص عايش حياة زوجية مثالية بهنيك عليها أنت وهبوش.. وبعد ما جلست على كرسي الإعتراف تعزز  هالإنطباع عنك..

ومنشان هيك حابة أطلب منك توجه نصائحك لكل شب عم يدور على البنت المناسبة حتى يربتط فيها بزواج مثالي؟

أبو فؤاد الورد (جان): الله يعطيك العافية على تعبك وتضحياتك بدي أطلب منك ردة للشباب والصبايا هون...

 
2010-05-02
عصفورة نيسان

اكيد منال أنا ماعندي أسباب حقيقية تمنعني من التصريح بهويتي

والأسباب هي مو أكتر من تكتيك متفقين عليه أنا وسبيزر يعني متل ما ممكن أي حدا يلاحظ أنو عم نعطي معلومات عن حالنا شوي شوي فيك تقولي لنعمل بالقصة أو بالموقع شوية تشويق ويصير عندك فضول أنت قبل غيرك لتعرفي مين نحنا هي هي القصة بكل بساطة

هلأ متل مافي كتير ناس بتعرف مين هو سبيزر في ناس بتعرف مين عصفورة نيسان بس الفكرة أنو مو الكل مو كل المشتركين يعني كل الأسباب هي تكتيك معين بهدف التشويق

وأنا برأيي وصلنا ليلي بدنا ياه طالما في كتير ناس عم تسألنا عن التصريح بأسمائنا

وبحب الك يا مانو انو هل شي مو مطول يعني كلها كم يوم وبخبرك مين أنا

وحبيبي سبيزر فكرة هالموضوع خطرت ببالي فجأة وانا ذكرت بالبداية كيف صارت القصة

والدافع هو تقريب الأعضاء من بعضا البعض وما يكون في حواجز بيناتنا كل مين حابب يسأل أو  يعرف شي معين عن حدا  يلاقي الباب مفتوح قدامو ويسأل بكل جرأة

وأنا بشكر كل مين شارك بالموضوع لأنو لولا مشاركاتكون كان فشل الموضوع

الشي الحلو بالموقع أنو في تجاوب كبير من قبل المشتركين

وأنا بشجع أي شخص بيتصفح الموقع وهو غير مشترك أنو يستغل الفرصة ويدخل ع الخط مباشرة ويشترك معنا لأنو بالفعل في متعة بالاشتراك بهالموقع بالذات

وشكرا   

سبيزر

سبيزر شو يلي خلاك تفكر تسمي حالك سبيزر وليش ما فتت عالموقع باسمك؟

وهل أنت جاهز للاعلان عن اسمائنا بعد كم يوم؟

رامي

 شو رأيك بعلاقتنا من خلال لي شفتو ع الموقع ؟

وبتمنى تجاوب ع سؤال سبيزر بكل صراحة وما تخبي علينا شي متل مو نحنا مستعدين نجاوبك ع أي سؤال بيخطر ع بالك و ع الموقع كمان بس أنت لي حركت فضولنا لما قلت لغاية في نفس يعقوب وازا ما وصلتلا ناطرين اسئلة اكتر منك وشكرا كتير الك أخ رامي  

  

2010-05-02
وسيم عساف

مرحبا جميع

شكرا الك أستاذ رامي شهادتك بعتز فيها

بالنسبة لسؤالك  حقيقا أنا غير راضي أبدا عن التجواب مو بس مع مواضيعي وانما مع كل المواضيع الاجتماعية يعني المواضيع الفكاهية والنكت والحزازير عم تاخود حيز اكبر بالتعليق والتجاوب وبما معناه انو نحنا بصيدنايا لساتنا منفتقر لمجتمع مثقف و واعي واجتماعي

ريتا كمان بشكرك كتير

نصيحتي لك شب عم يدور على بنت للارتباط انو مايدور عالجمال ويترك كل الأشياء الآخرى لأنو الحياة الزوجية مو بس روحات وسهرات وجنس منشان هيك انا رايي انو ياخود انسانة جميلة الروح قبل ماتكون جميلة الشكل

وانشالله منفرح من كل الشباب والصبايا العزابية بالموقع والضيعة

سؤالي موجه لكل الأشخاص الي بالموقع

هل اذا استمريت انا والأشخاص الي عم نشتغل على شي اسمو وحدة العقول والافكار وانشالله انو حابيين نوصل لوحدة الكنيسة رح نال مرادنا او لا ؟

وكمان بطلب من الجميع قرأة موضوع أسال وأباء الكنيسة يجيبون ويطرحوا كل ماعندهم من اسئلة والآباء أكيد رح يجاوبوهون

شكرا للجميع  
2010-05-02
عصفورة نيسان

ملاك الحب

تبينلي أنك أنثى فهل هذا صحيح ؟

وعندك استعداد تعرفينا باسمك ؟

2010-05-02
منيف

جواب لمانو

لأ مابريد ابدا يكون لخطيبتي او زوجتي اي اصدقاء عن طريق النت  

2010-05-02
منيف

جواب للصديق رامي

والله حبيبتي رضيانة عليي ها الايام  ويمكن عم اضحك ع زعلك وقت عم نحضر سوا لعبة برشلونة والانتر

جواب لجان ابو فؤاد العزيز

كنت بفترة المراهقة حب وحدة وماصار نصيب وهلأ بحب بنت لذيذة وعم نتفاهم ونحكي بجميع الجوانب وباذن الله يكملا ربنا معنا ويصير اللي ببالنا ويوفق الجميع  

2010-05-02
منيف

سؤال لملاك الحب

من كتاباتك مبينة كتير حساسة ومهضومة بقا احساسي بمحلو ولا لأ

اللي سماكي ملاك الحب كان كتير مزوق بقا انت اخترتيه ولا مين  

2010-05-02
ملاك الحب

!!!اي انا بنوتة وهاد الشي مبين من اللقب اولا مافي شاب بكل هل الدنيي ملاك وتانيا خاصة بالحب  

....لو كان بدي عرف عن اسمي كنت من الاول فتت باسمي بس مابدي  

2010-05-02
القمر بذاتو

أهلين أخ رامي

 

اقامة القمر بذاتو بصيدنايا وبالشام...

وعن عمري انا بعمرعصفورة نيسان

وهوياتي المشي والسباحة وسماع الزجل والكتابة و...وكتير أشيا...

الحقيقة عرفت بموقع صيدنايا اليوم عن طريق شخص غالي

 

أهلين أخ جان

بحب قلك اهتمامي الأول بسماع الزجل وخاصة أوووف

وبعدين بتجي الأغاني الرومنسية و...و...

(كيف فيكي تعيشي بقلب طفلة وعقل أمرأة سوا)

بعيشها بروحي المرحة بمواجهة ظروفي الصعبة والمتاعب اليومية

لو الخيار للقمر بذاتو كان عاش بس بقلب طفلة

بس الحياة خلتو يجمع بجسده أكبر المتناقضات

وبقلك انا أنثى خلقت بقلب طفلة وعشت لأموت فيه...

 

سؤالي للأخ جان وللأخ رامي :

 شو رأيكن بالشب الصيدناوي يلي بيحكي عن مغامراتو وعدد وتسمية نسائه ؟

 

شكرا الك اختي عصفورة نيسان لانك شملتيني معك ببداية الموضوع...

وسؤالي لك ياعصفورة نيسان :

ايمتى ناوين تعلنو الخطبة انت والأخ سبيزر في 24- 8 - 2010 ؟؟؟

 

سؤال للادارة:

ليش كل ما أقوم بتعديل موضوع بقسم الأدبيات يتم حذفه؟

 

2010-05-03
Rami Zahr

مرحبا عصفورة نيسان:

أنا ما بحب حدد مواصفات معينة لبنت حتى ما روح على حالي فرصة اختيار أكبر يعني بيجوز البنت اللي اختارها بالمستقبل تحمل صفات معينة بحبها وصفات تانية ما حبها وهو بعمل متل موازنة للموضوع يعني ياترى الصفات اللي بحبها اكتر من الصفات اللي ما بحبها (لاننسى ما حدا كامل يعني يعني أنا فيني شغلات رح تحبها هي وشغلات لأ ،  وكمان هي بقى مابحب قيد حالي بهالفكرو من هلأ ) بس في شغلة وحدة ممكن قولها إنو من الضروري جدا البنت اللي حبها تكون رااااااااااايقة.

 

مرحبا بالغالي جان:

والله يا أبو فؤاد نصيب ويمكن لازم أسألك نفس السؤال إلك

 

مرحبا مانو :

انشالله يضل الموقع ينتقل من نجاح لنجاح وبالنسبة لأسئلتك رح جاوب عليها بالتفصيل مع أسئلة أخرى بنهاية ردي هاد

 

ومرحبا سبيزر1:

بالنسبة لسؤالك الأول عن الوقت فعنجد حطيت إيدك عالوجع لأنو ما عم أعرف كيف ببلش يومي وكيف بيخلص بس المهم إنو الإنسان بيشعر إنو عم يقدم شي مو بس جاي على الحياة رقم.

وبالنسبة لسؤالي عن كيفية اختيار شريكة حياتك فالغاية انو عمرك سبيزر هو عمر الشريجة الأكبر من شباب صيدنايا اللي ما عم يحسنو يتزوجو قبل هالعمر وبدي شوف ياترى قديه بتصعب الأمور باختيار البنت المناسبة بهاد العمر وبما أنك نموذج مثالي قدامنا فحبيت استفيد من تجربتك بهالمجال لوصل هالفكرة لكل الأعضاء وخصوصا ً الصبايا.

بالنسبة لباقي أسئلتك رح جاوب عليها بالتفصيل مع أسئلة أخرى بنهاية ردي هاد.

 

مرحبا مرة تانية عصفورة نيسان:

بالنسبة لسؤالك عن رأي بعلاقتكون من خلال الموقع فمبين علاقة كتير حلوة وانشالله تكمل معكون للأخير وتفرحو ببعض

وبظن جاوبتك على تساؤلك بخصوص غاية في نفس يعقوب لما رديت على سبيزر

 

مرحبا وسيم:

في بيت شعر بيقول:

شباب قنـّـع لا خير فيهم

      وبورك بالشباب الطامحين.

يعني وسيم نحنا منطمح لتحقيق هالشي وخلي هالموقع هو الخطوة الأولى الكبيرة اللي رح تكسر الجمود الموجود وانشالله شوي شوي يمشي الحال.

مرحبا القمر بذاتو :

والله سؤالك لمس أحد الظاهرات المؤذية بصيدنايا وحتى بغير صيدنايا كمان ... يعني لما يبلش الشب يحكي عن بطولاتو العاطفية وكيف عم يحكيمن فلانة ويقابل فلانة وهديك بتحبني وهاي بتموت فيني وقمة البطولة لما يحكي مع شي وحدة على الموبايل ويسمع رفقاتو ..... شو بدي قلك غير إنو أي شب بيعمل هيك بكون شب مريض.

بالنسبة لسؤالك عن مواضيعك اللي عم تعدليها وتنحذف فبالحقيقة هي ماعم تنحذف وإنما كل موضوع بيتعدل بيرجع بيجي للإدارة للتدقيق مرة تانية وبعدين بتم الموافقة عليه وهاد اللي صار مع مواضيعك بس بيجوز تأخرو شوي لطلعو بسبب ضغط المواضيع اللي عم يوصل للتدقيق.

 

منرجع لأسئلة مانو وسبيزر بخصوص الأمور الفنية والتخطيطية بالموقع:

بالبداية حابب قول إنو أنا واحد من 3 أشخاص هنن إدارة الموقع والشغل مقسوم بيناتنا بالتساوي وهالشي بيجوز عم يساعدنا أكتر على المتابعة ... و منشان مواضيع التحديثات والأفكار الجديدة فكمان أنا حابب قول إنو كل فكرة صغيرة أو كبيرة بالموقع مناخود فيها القرار جماعي يعني مافي مركزية بالقرار بأي قسم وإنما جميع الاقسام والأفكار قرار جماعي .

أما بالنسبة للتحديثات الجديدة فبعتقد شايفين إنو كل فترة في شي جديد وبالفترة الجاي كمان في شي جديد بس رح نتركو مفاجأة ومنشان الاقتراحات اللي قدمها بعض الأعضاء متل ابو نبيل وجولي وغيرهم فتأكدو إنو كل اقتراح عم يجي للإدارة عم يندرس كتير وفي شغلات رح نساويها وفي شغلات ساويناها يعني في ناس كتير بعتت اقتراحات وخلال كم يوم كنا عاملين هالاقتراحات بس في اقتراحات تانية مامنحسن نساويها على القليلة بهالفترة وإذا أي صديق اقترح أي اقتراح وما ساويناه خلال فترة قصيرة يبعتلنا إيميلو الخاص ونحنا منرسل ايميل منشرح فيه السبب لانو احيانا كتير مافينا نشرح السبب بشكل علني.

بالنسبة لفكرة مساعدة الإدارة من قبل بعض الأعضاء كما اقترح الاخ سبيزر فهالشي موجود من زمان وكل عضو منكون عم يساعد يعني مثلا متل هالموضوع هون مو الإدارة اللي عم تديرو وإنما انتو وكل المنتديات التانية نفس الشي  بالإضافة لاقتراحاتكون المستمرة وحرصكون عالموقع هاد كلو أكبر مساعدة .. أما إذا بتقصد من النواحي الفنية فاكيد لما نحتاج مساعدة فما إلنا غير اصدقاء الموقع والاعضاء الأحباء ملجأ.

وأما عن سؤال مانو عن التحفظات لشخص معين فاكيد ماعندي ولاتحفظ لا أنا ولا ريتا ولا جورج لأي عضو بالعكس منرحب بالكل وفرحانين بالكل ومنشكر الكل على هالنشاط الدائم والتفعالية الحلوة ( تذكرت حديث صغير دار بيني وبين أحد الأصدقاء من الأردن كنا عم نحكي عن الموقع قام قلي أحلى شي بموقع صيدنايا اليوم هو روح الأسرة الواحدة الموجودة فيه) فعلا هالشي عم نحسو خصوصي بالإدارة ويوم بعد يوم عم يكبر أكتر وأكتر

 
2010-05-03
عصفورة نيسان

لاء يا قمر أمورنا أنا وسبيزر متوقفة ع رجعتو بالسلامة وبالنسبة للاعلان عن ارتباطنا ببعض وعن التصريح بالأسماء لح يكون بعد كم يوم يعني شي اسبوع مو أكتر متل ما بتخيل      

وبالنسبة للخطبة بشكل رسمي ع الأغلب تكون بشهر 6 ازا الله راد

وبدي أسألك سؤال صار عندك فضول تعرفي هويتنا ؟  

2010-05-03
عصفورة نيسان

بالفعل أخ رامي مبين من ملامح وجهك أنو ما بناسبك غير البنت الرايقة والله يوفقك وتلاقي ه البنت

بدي أسألك رامي بس بصراحة جاوبني

عرفت مين هي عصفورة نيسان ولا لسى لأنو بتخيل بتعرف مين سبيزر وازا لسى ما عرفتا صار عندك فضول تعرفا ؟

وبصراحة شو رأيك بهاد الموضوع وهل عندك اي ملاحظات بتحب توجها وكيف ملاقي تجاوب الأعضاء فيه وتفاعلن بالموضوع ومشاركاتون ؟

وسؤال ل ملاك الحب 

شو مواليدك وشو برجك وشو دراستك ؟

وكنت ناطرة حدا يسألك لتشاركي معنا هون أو لاء بصراحة ؟  

2010-05-03
سبيزر1

مرحبا بالجميع بشكل عام و بحبيبتي بشكل خاص (عصفورة نيسان)ا

شو يلي خلاك تفكر تسمي حالك سبيزر وليش ما فتت عالموقع باسمك؟

بالنسبة لأسم سبيزر هاد اسم اطلق علي من وقت طفولتي يعني شغل ولدنة , و حبيته كتير و خاصتاً وقت كبرت لأنو دايما بيذكرني بأيام الطفولة , مع العلم طفولتي كانت من روائع فترات حياتي يعني مو أنا سميت حالي رفقات الطفولة سموني , أما بالنسبة ليش ما فتت بأسمي الحقيقي , فها الشي بيرجع لوقت دخلت بالموقع  , وقتها حبيت أعمل قصة ألي عبر الموقع وشوي شوي أعلن عن أسمي الحقيقي لأني بحب حياة المغامرة و القصص , بس شو سوي فركشلي المخطط رامي وقت وضع موضوع الوحدة المسيحية و الاعلان بالاسم الثلاثي

امت قلت الأهم يأتي أولاً و أعلنت اسمي الثلاثي لأنو المسيحية بحياتي ألها الإهتمام المباشر

من أجل السؤال الثاني : وهل أنت جاهز للاعلان عن اسمائنا بعد كم يوم؟

حبيبتي أنا واثق فيكي و عاطيقي الصلاحية الكاملة للأعلان عن اسمنا الحقيقي , بس برأي بس يروح أهلي يزوروكن بيكون أفضل مشان يصير شي رسمي متل ما بيحبو اهل الضيعة لا تنسي أننا عايشين بمجتمع عندو عادات و تقاليد و حابب يقيدنا فيها و نشالله بيساعدنا الله على تغير بعض العادات يلي مالها لازم و نكون انا و انتي من الأوائل بتغيرها, لاني بعرفك منيح جريئة وواثقة من نفسك

وسؤالي للوسيم عساف :اول شي مرحبا وسيم

بدي تعطيني رأيك بصراحة بأبو نبيل ,  لأنك من فترة قريبة زادت صحبتكن وبيكون عرفتوا أكثر ؟ا

و سؤال  لمنيف مرحبا منيف كيفك

منيف انا بعزك و بحترمك لأنك شب شغيل وحابب اسئلك شو رأيك ببنات صيدنايا بشكل عام ؟

و سؤال إلى ملاك الحب

إذا ما كان اسمك ملاك الحب شو كنتي بتفضلي يكون و مين سماكي ملاك الحب ؟  

 

 
2010-05-03
القمر بذاتو

عقولت المتل يا خبر بفلوس... بكرا بيبقى ببلاش

ولو يا عصفورة نيسان القمر بذاتو مو من صفاتو الفضول

قلك الحقيقة مابدي اعرف مين انتو لاني آخدة عنكن وعن الحب صورة مثالية ومابدي تتغير...

وعقبال الفرحة الكبيرة والله يهنيكن ببعض واضلو عم تكتبوا بالموقع ...

 

 
2010-05-03
hani
بعتذر على التأخير: ... 1-سؤال العصفورة :الصفات الي بحب تكون موجودة بالبنت ..... ياريت تحددي أي بنت لو سمحتي ...... 2-كمان للعصفورة :بحب الرياضة وبعشق كرة القدم وبشجع برشلونة والبرازيل واللعبة الحلوة وحاليا بمارس السباحة من وقت للتاني...... 3- للعصفورة :أنا لا بأركل ولا بدخن ولا بحب عصير المنجا ولا بحب انزل على السوق مع حدا...... 4-اخيرا للصديق رامي :اللي خلاني لهلأ بلا ارتباط هو:لحد الان ما لاقيت بنت تستاهل هاني ...... ملاحظة :الى سبيزر وعصفورة نيسان ,معكون ليوم الخميس اذا ما بتعلنو عن اسمائكم لح اتضر اعلن عنهم انا ....... انتظروني على كرسي الاعتراف من صباح الغد .... مع تحياتي
2010-05-03
منيف

رد للصديق سبيزر 1

اولا شكرا على الكلمات الحلوة اللي قلتا عني وانت صديق عزيز علي كتير

رأيي ببنات صيدنايا  الصراحة بنات صيدنايا بينضرب المثل فيهن وين ماكان انن ستات بيوت وبصونو بيوتن وازواجن بس طالع جيل استغفر الله العظيم بخوف يعني نحنا اللي معاشرين وشايفين ماعم نتقبل ها الشي وماعم نستوعبو بقا ياخوفي ينزع السيط اللي اخدينو بناتنا 

2010-05-03
منيف

سؤالي لابو نبيل

ايمتا ناوي تكمل نص دينك حلا مو هيك وبشكرك على مواضيعك الحلوة بشكل عام  

2010-05-03
منيف

سؤال لابو صبحي

بدك تقلنا شو سبب حظك السيء بها الحياة وهل انت تعتقد انك لاتملك حظا 

2010-05-03
ملاك الحب

منيف انا حساسة كتيييير وبكره هاد الشي فيني اما مهضومة مابعرف لازم تسأل الناس الي اتعامل معون بس الحمدلله الي بيحبوني كتار 

اكيد الي سماني ملاك الحب مزوء والي هو حبيبي وصدقني فرحت كتير وقت عرفت انو سماني هيك    

2010-05-03
ملاك الحب

   هاي عصفورة نيسان انا من مواليد 1986  وبرجي العقرب ودراستي كلية تربية قسم الرياضيات    

انا متابعة الموضوع من الاول وكتير حلو باين انك مزوءة يسلمو ايديكي بصراحة كل مواضيع موقع صيدنايا اليوم بيجننو وخاصة الي بتتعلق بالحب 

مابعرف بلاقيها صعبة شارك تا اسأل حدا بس اكيد راح جاوب ع الي بقدر عليه من الاسئلة وبتشكر كل حدا سألني لأنكم خليتوني شارك وأولون انتي ياعصفورة   

2010-05-03
ملاك الحب

اهلين بالأخ سبيزر1

كنت بتمنى يكون اسمي عاشقة او متيمة او مجنونة (****) بس حبيبي مارضي ومع ذلك جربت بس الادارة ماقبلت الاسم بعد عدة محاولات فاشلة استسلمت قلي حبيبي انا بعملك ياه قلتلوه خلص سميني متل مابدك وهيك صارت ولو اني كنت بتمنى يكون اسمي مرتبط باسمه بس شو بدي ساوي العين بصيرة والايد قصيرة

2010-05-03
hani

الى منيف

الحياة كتير حلوة معي مين قلك حظي سيء

القصة كلها مجرد توفيق من عند ربك والله كريم.

سؤالي لمنيف :

بما انوعملك بنص البلد وكاشف اللي رايح واللي جاي وعندك نظرة ثاقبة للامور بشكل عام

وصفلنا شباب وبنات ضيعتك في هالايام بكلمتين انت اختارهون من دون خجل ؟

ملاحظة :رامي بعدني ناطر جوابك! 

2010-05-04

   

   التسجيل  
الاسم:
كلمة المرور:
 
   طلب اشتراك  

  شو رأيك  


الخميس
24نيسان2014

  الصفحة الرئيسية  
  تعارف  
 
  صيدنايا اليوم  
  منتديات  
  مجلتنا  
  أحلى صور  
 
  اسرة الموقع  
  دليل المستخدم  
  اتصل بنا  
 
المواضيع الاكثر قراءة
 
.أجمل بيوت العتابا والقرادي
جان سعادة
 
كرسي الاعتراف
ابو نبيل
 
لأجل وحدة كنيستنا المسيحية.. سجل اسمك الثلاثي
الإدارة
 
أسئلة جريئة
عصفورة نيسان
 
................ سوالف شباب وصبايا ................
hani
 

  حالة الطقس 
الجمعة
0000-00-00
السبت
0000-00-00
الأحد
0000-00-00
الإثنين
0000-00-00
الثلاثاء
0000-00-00
الأربعاء
0000-00-00
الخميس
0000-00-00

Copyright © 2009 SaydnayaToday. All Rights Reserved.